Бүгүн, Алай районунда «Үй-бүлөлүк зордук зомбулук» темасында алдын алуу жана түшүндүрүү багытындагы иш-чара уюштурулду.
Иш-чарага Алай райондук мамлекеттик администрациясынын башчысы-акимдин орун басары Алтынбек Болбур уулу, Алай райондук прокуратурасынын башчысы У.Насирдинов, Алай райондук ички иштер бөлүмүнүн башчысы Ч. Иманалиев, жергиликтүү өз алдынча башкаруу органдарынын өкүлдөрү, социалдык кызматкерлер, мектеп директорлору, социалдык педагогдор, Аксакалдар кеңеши жана Аялдар кеңеши катышышты.
Жыйындын жүрүшүндө үй-бүлөлүк зомбулуктун алдын алуу, анын кесепеттери жана мыйзамдык жоопкерчилик тууралуу кеңири маалыматтар берилди. Ошондой эле Маданият үйүнүн кызматкерлери тарабынан атайын даярдалган спектакль жана видеороликтер көрсөтүлүп, катышуучуларга терең таасир калтырды.
Мындай иш-чаралар коомдо зомбулуктун бардык түрлөрүнө каршы туруу жана үй-бүлөлүк баалуулуктарды бекемдөө максатын көздөйт.
_______________________
Алай райондук мамлекеттик
администрациясы
